Sunday, October 1, 2017

XIX Convocation hman a ni

October ni 1, 2017, chawhma dar 11 khan University of Hyderabad chuan a vawi XIX Convocation na hun, Global Peace Auditorium, Brahma Kumari Shanti Sarovar, Gachibowli ah tluang takin a nei a ni. He convocation ah hian Dr. G. Satheesh Reddy, Scientific Adviser to Raksha Mantri and Director General to Missiles and Strategic Systems chu Chief Guest niin Convocation address a pe a ni. Convocation hun hi Dr. C. Rangarajan, university Chancellor in a kaihruai a ni. Tin, university Vice-chancelllor, Prof. Appa Rao Podile in kum 2016-2017 chhunga university hmasawnna leh research neihte, zirtirtu leh zirlaiten research publication an neih that thu te report an pe a. Tin, University of Hyderabad in solar energy pek chhuah lamah hna a thawh nasat thu te, khawvel university tha thlan chhuahna QS in an neih zo takah University of Hyderabad chuan kum danga a la lan phak ngai lohna 601-650 naah a awm thu a tarlang bawk  a ni. XIX Convocation ah hian Faculty panga in Chancellor Award an dawng a. Zirlai 1421 graduatein chung zingah chuan Docor of Philosophy degree mi 229 in an dawng a. Tin, zirlai 105 in meritorious Gold medal an dawng bawk a ni.



XIX Convocation ah hian MPGSU member thin, kan alumni atangin Zohnahthlak panga ten degree an dawng a. Chungte chu:

1) Laldinpuii, Doctor of Philosophy in English
2) Laldinsangi, Doctor of Philosophy in Animal Science
3) Henry Vumjou, Master of Arts in Philosophy (Ambedkar Award SC/ST Medal)
4) C.Lalramdinpuii, Master of Arts in Sociology
5) Melody Hmangaimawi, Master of Arts in Political Science 
 


MPGSU chuan kan member hlawhtlingte kan lawmpuiin kan chhuang em em a, an kal leh zelna turah duhsakna sang ber kan hlan bawk e. 

Tuesday, September 12, 2017

Nl. Lalhmangaihi'n   University of York, York a International Conference ah paper present dawn



Mizo Post Graduate Students' Union (MPGSU), University of Hyderabad member nilai Nl. Lalhmangaihi Chhakchhuak(Mahma-i)  d/o Lalrinmawia Chhakchhuak(L), Chawlhhmun, Aizawl, tuna Ph.D Sociology zir mek chuan,13th - 15th September, 2017 a University of York, York a neih tur "BSA Medical Sociology 49th Conferenceah paper a present dawn.

He conference hi British Sociological Association in a a huaihawt a ni a. Mahma-i paper present tur hi "Global Market: Cross-border Trade and Health Risk" tih a ni a, September ni 15 hian a present dawn a ni.

International conference a present tura Nl. Lalhmangaihi Chhakchhuak research paper thlan tel a ni hi keini Mizo Post-Graduate Student's Union,University of Hyderabad member te chuan kan lawmpuiin kan chhuang em em a, Mizo fate tan a zirna lama hma kan sawn ve zelna entirtu pakhat niin kan hria a ni. Tha taka a paper a present theih nan duhsakna sang ber kan hlan e. 

Monday, August 21, 2017

MPGSU Freshers' Social hman a ni

August ni 11, 2017 tlai dar 6 khan MPGSU chuan kan nau tharte lawm luhna hun hlimawm tak Student's Center Recreational Hall ah hman a ni a. He hun hi 1st session leh 2nd session a hman  a ni a. 1st session hi zirtawp tawngtai inkhawmna anga hman niin, thusawi leh zai ngaihthlakna te a hun hman a ni.

2nd session erawh organizing batch, 2016 batch te kuta awmin anni hian hun te an rawn duang a. Special items bawn tak tak, Research Scholars, 2016 batch leh freshers batch te atangin hmuhnawm leh beng ti tlai tak takte entirin hlim taka hun hman a ni. 

Kan nautharte lawmluh nan oath taking ropui tak Tribal Chief Pu Venpuia kaihhruainain neih a ni bawk a. Tin, "Naute Thar" bulletin ngaihnawm tak tih chhuah a ni bawk a ni. Kan hunte kan hman zawh a, ruai tui tak 2016 batch ten min siam sak ei za in khamlo takin Freshers' social chu kan hmang a ni. 


2017 batch, kan nau tharte
Standing (L-R) Grace, Muanpuii, Shirley, Joanne, Ludi, Jenny, Mikhual, Mary, Jennifer
Sitting (L-R) Samuel, Ramenga, Lawmzuala, Anggu, Duhthlana leh Eric


Organizing batch, 2016 batch. An eirawngbawl a tui hle. Tin, Freshers' social an huaihawt hnehsawh hle a ni. 


Magician ropui, Tribal Chief Pu Venpuia


Freshers' Social Inkhawm
Mr & Miss Freshers

Friday, August 11, 2017

NL. LALDINPUII'N PH.D DEGREE HMU
Nl. Laldinpuii d/o Lalrinawma, Thakthing Veng, Aizawl chuan ni 11, August 2017 chawhma dar 11 khan Department of English, School of Humanities, University of Hyderabad atangin tha taka Viva Voce a neih zawh hnu ah, Doctor of Philosophy (PhD) degree a dawng a ni. Nl. Laldinpuii thesis title hi "Construction of Identities in Selected Folktales of the Lushai Hills and the Khasi Hills" tih a ni.
Dr. Laldinpuii hi University of Hyderabad a Mizo zirlaite zinga Ph.D degree dawng thei 10 na a ni. Amah hi ICFAI University, Mizoram ah English department a Assistant Professor hna thawk lai mek a ni a. Mizo Post Graduate Students' Union, University of Hyderabad chuan Dr. Laldinpuii hlawhtlinna hi kan chhuangin kan lawmpui em em a; a kal leh zelna turah duhsakna sang ber kan hlan a ni.
HNATHAR HMU
MPGSU chairman ni lai mek H. Lalruatkima chuan Asst.Prof(BCA) hna HATIM Lungleiah a hmu a, MPGSU chhungkua chuan hna thar duhawm tak a hmu hi kan lawmpui takzet a ni.

Monday, July 17, 2017

NL. DINSANGI'N PH.D DEGREE HMU

Nl. Laldinsangi d/o C. Laldina, Mission Vengthlang, Aizawl chuan ni 17, July 2017 chawhma dar 11 khan Department of Animal Sciences, School of Life Sciences, University of Hyderabad atangin tha takin Viva Voce neiin, Doctor of Philosophy (PhD) degree a dawng a ni. Nl. Laldinsangi thesis title hi "Role of Sycp3 and C-Kit During Gonadal Development and Recrudescence" tih  ani.
Dr. Laldinsangi hi University of Hyderabad a Mizo zirlaite zinga Ph.D degree dawng thei pakua na a ni. Mizo Post Graduate Students' Union, University of Hyderabad chuan  Dr. Laldinsangi hlawhtlinna hi kan chhuangin kan lawmpui em em a. A kal leh zelna turah duhsakna sang ber kan hlan  a ni.


 
                                                  Nl. Laldinsangi, Ph.D (Animal Sciences) 

Wednesday, July 12, 2017

M.Phil submission nei

MPGSU member pahnih, Nl. Hannah leh Nl. Hriati ten July, 2017 khan M.Phil submission an nei.
Nl. Hannah Lalhlanpuii d/o C. January, Ramhlun South, Aizawl chuan Department of English, School of Humanities, University of Hyderabad ah tha takin submission seminar a nei a. A thesis title hi "Liminality and Abjection: Reading the Hannibal Lecter Series as a Postmodern Genre" tih a ni.
Tin, Nl. Vanlalhriatzuali d/o  Vanlalsawma, Ramhlun Venglai, Aizawl chuan Department of Philosophy, School of Humanities, University of Hyderabad ah tha takin submission seminar a nei a ni. A thesis title hi "A Feminist Critique on the Distinction Between the Public and the Private" tih a ni. 
MPGSU chuan kan member pahnihte hlawhtlinna hi kan lawmpui em em a. An kal leh zelna turah duhsakna sang ber kan hlan a ni.
                                                             Nl. Hannah Lalhlanpuii


Nl. Vanlalhriatzuali